NIHC−ᑯᑦ ᑐᓂᓯᓂᐊᖅᑐᑦ ᐅᓄᖅᑐᓂᒃ ᐊᔾᔨᒌᙱᑦᑐᓂᓪᓗ ᐃᑲᔫᑎᒃᓴᓂᒃ ᓄᓇᕗᒻᒥ ᐃᓄᓐᓄᑦ ᐊᒻᒪᓗ ᑕᒪᐃᓐᓄᑦ ᓄᓇᕗᒻᒥᐅᓄᑦ. ᑖᒃᑯᐊ ᐃᑲᔪᑎᑦ ᓇᓕᖅᑯᑦᓯᓯᒪᔪᑦ ᓯᑕᒪᓂᒃ ᑐᙵᕕᒋᔭᐅᔪᓂᒃ ᒪᑭᑉᐸᓪᓕᐊᑎᑦᓯᓂᕐᒧᑦ: ᐃᓅᓯᓕᕆᓂᖅ, ᒪᑭᒪᔾᔪᑎᒃᓴᑦ, ᐊᕙᑎ, ᐊᒻᒪᓗ ᐃᓕᖅᑯᓯᖅ. 11987−ᒥ ᓄᓇᕐᔪᐊᒥ ᑲᑎᒪᔨᖏᑦ’ ᕗᕋᑦᓕᓐ ᑲᒥᓴᖏᓐᓂᒃ ᓇᓗᓇᐃᖅᑕᐅᓚᐅᖅᑐᖅ ᒪᑭᑉᐸᓪᓕᐊᒍᑎᒃᓴᖅ ᐃᒪᐃᓕᖓᔪᖅ “ᐱᕙᓪᓕᐊᑎᑦᓯᒍᑎ ᑎᑭᐅᑎᖁᓪᓗᒍ ᐱᔭᕆᐊᓕᖏᓐᓂᒃ ᐅᓪᓗᒥ ᓴᒃᑯᐃᖏᓪᓗᓂ ᓯᕗᓂᕐᒥ ᑭᖑᕚᖑᓂᐊᖅᑐᑦ ᐱᔪᓐᓇᕐᓂᖏᓐᓂᒃ ᑎᑭᐅᑎᓗᑎᒃ ᓇᖕᒥᓂᖅ ᐱᔭᕆᐊᓕᖕᒥᓄᑦ.”2 ᕗᕋᑦᓚᓐ ᐃᓚᓕᐅᔾᔨᓚᐅᖅᑐᖅ ᐱᖓᓱᐃᓐᓇᕐᓂᒃ ᑐᙵᕕᖕᓂᒃ: ᐃᓅᓯᕐᒧᑦ, ᒪᑭᒪᔾᔪᑎᓄᑦ, ᐊᒻᒪᓗ ᐊᕙᑎᓕᕆᓂᕐᒧᑦ. 2010−ᒥ, ᐊᑕᐅᓯᕐᒨᖓᔪᑦ ᓄᓇᓕᕐᔪᐊᑦ ᐊᒻᒪᓗ ᓄᓇᓖᑦ ᒐᕙᒪᖏᑦ ᐃᓚᓯᓚᐅᖅᑐᑦ ᐃᓕᖅᑯᓯᕐᒥᒃ ᓯᑕᒪᒋᔭᐅᓕᖅᑐᓂ ᑐᙵᕕᓕᐊᖑᓯᒪᔪᓂ ᒪᑭᒪᔾᔪᑎᒃᓴᓄᑦ ᐊᑐᐊᒐᒥᓃᑦᑐᓂᒃ “ᐃᓕᖅᑯᓯᖅ ᓯᑕᒪᒋᔭᐅᔪᖅ ᑐᙵᕕᒋᔭᐅᔪᓂ ᒪᑭᑉᐸᓪᓕᐊᒍᑎᒃᓴᓂ.” 3NIHC ᐃᑲᔪᕐᓂᐊᕐᒥᔪᑦ ᐋᖅᑭᒍᑎᒃᓴᓂᒃ UN ᒪᑭᒪᔾᔪᑎᒃᓴᖏᓐᓄᑦ ᑐᕌᒐᕐᓂᒃ.
1 UN ᒪᑭᒪᐃᓐᓇᕈᑎᒃᓴᓕᕆᓂᕐᒧᑦ ᑐᕌᒐᑦ (SDGs). ᐱᔭᐅᓯᒪᔪᑦ ᐅᕙᙵᑦ ᓄᓇᕐᔪᐊᕐᒥᑦ ᑲᑐᔾᔨᖃᑎᒌᑦ
2 UN ᒪᑭᒪᐃᓐᓇᕈᑎᒃᓴᓕᕆᓂᕐᒧᑦ ᑐᕌᒐᑦ (SDGs). ᐱᔭᐅᓯᒪᔪᑦ ᐅᕙᙵᑦ 1987. np. ᐱᔭᐅᓯᒪᔪᖅ ᐅᕙᙵᑦ: ᓄᓇᕐᔪᐊᕐᒥᑦ ᑲᑐᔾᔨᖃᑎᒌᑦ
3 ᐱᖅᑯᓯᖅ: ᑎᓴᒪᖓᑦ ᑐᓐᖓᕕᐅᔪᖅ ᑲᔪᓰᓐᓇᕈᓐᓇᖅᑐᓂᑦ ᐱᕙᓪᓕᐊᑎᑦᑎᓂᖅ
ᐃᓅᓯᕐᒥ ᒪᑭᒪᔾᔪᑎᒃᓴᑦ
ᐃᖅᑲᓇᐃᔭᖃᑎᖃᕐᓗᑎᒃ ᕿᑭᖅᑕᓂᒃᑯᓐᓂᒃ ᐊᒻᒪᓗ ᐃᖃᓗᐃᑦ ᓄᓇᓕᐸᐅᔭᖓᓂᒃ ᐊᐅᓚᑦᓯᔾᔪᑎᒃᓴᒥᒃ ᐊᕕᑦᑐᖅᓯᒪᓂᐅᕈᓯᕐᓂ ᐃᓪᓗᓕᐅᕐᕕᒃᓴᓕᕆᓂᕐᒥᒃ ᐃᓚᒋᔭᐅᓗᓂ ᐊᖅᑯᓯᐅᕐᓂᖅ ᐊᒻᒪᓗ ᐆᒻᒪᖅᑯᑎᓄᑦ ᑲᓲᒪᔾᔪᑎᒃᓴᓂᒃ ᑐᑦᓯᕋᕐᕕᐅᔪᒧᑦ ᓄᓇᖓᓄᑦ ᐊᒻᒪᓗ ᓯᕗᓂᕐᒥ ᐃᓪᓗᓕᐅᕐᕕᐅᓇᔭᕐᓂᖓᓄᑦ
ᓴᖅᑮᓂᖅ ᑲᔾᔮᓇᖅᑐᕐᔪᐊᒥᒃ ᓇᓗᓇᐃᒃᑯᑕᕐᒥᒃ ᐃᓪᓗᒥᒃ ᑕᖅᓴᕆᔭᐅᖃᑕᐅᓂᐊᖅᑐᒥᒃ ᐃᖃᓗᓐᓂ ᐊᒻᒪᓗ ᓄᓇᕗᑦ ᓇᒦᓐᓂᖓᓂᒃ
ᐱᕚᓪᓕᕈᑎᒃᓴᒥᒃ ᐊᑐᖅᑕᐅᓂᖏᓐᓂᒃ ᐃᓄᐃᑦ ᐅᖃᐅᓯᖏᑦ ᓄᐊᑕᐅᓯᒪᔪᒃᑯᑦ, ᖃᐅᔨᓴᕐᓂᒃᑯᑦ (ᐃᓚᒋᔭᐅᓗᑎᒃ ᐅᓂᒃᑳᖃᑦᑕᕐᓂᖏᑦ ᐅᕙᑦᓯᐊᕈᕐᓂᓴᓂᒃ ᐃᓐᓇᐃᑦ ᐊᒻᒪᓗ ᐊᓯᖏᑦ ᖃᐅᔨᒪᓂᕐᒥᒃ ᑎᒍᒥᐊᖅᑏᑦ), ᑕᑯᑦᓴᐅᑎᑕᐅᔪᑦ, ᐊᒻᒪᓗ ᐱᓕᕆᐊᒃᓴᑦ
ᐃᖅᑲᓇᐃᔭᖃᑎᖃᕐᓂᖅ ᑲᑐᔾᔨᖃᑎᒌᓂᒃ ᐃᖃᓗᓐᓂ ᐊᒻᒪᓗ ᓄᓇᕗᓕᒫᒥ ᐋᖅᑭᑦᓲᑎᒃᓴᓂᒃ ᐃᓅᓯᕐᒥ ᐊᑲᐅᙱᓪᓕᐅᕈᑕᐅᕙᑦᑐᓄᑦ ᑲᓱᖃᑦᑕᓂᒃᑯᑦ ᐊᑦᑐᕋᑦᓴᒃᑯᑦ ᐊᑦᑐᕋᑦᓴᐅᖏᑦᑐᓂᓪᓗ ᐱᖅᑯᓯᑐᖃᒃᑯᑦ
ᐃᓅᓯᓕᕆᓂᕐᒧᑦ ᐱᓕᕆᐊᒃᓴᓕᐅᕐᓂᖅ ᐱᕚᓪᓕᕈᑎᒃᓴᓂᒃ ᑎᑎᖅᑭᕆᓂᕐᒥᒃ, ᐃᓱᒪᒃᑯᑦ ᖃᓄᐃᙱᓯᐊᕐᓂᕐᒥᒃ, ᐋᖅᑭᒋᐊᕆᓂᕐᒧᑦ ᐃᖅᑲᖅᑐᐃᔨᕋᓛᑦ, ᐊᒻᒪᓗ ᐊᑐᐃᓐᓇᐅᑎᑦᓯᓂᕐᒥᒃ, ᐊᒻᒪᓗ ᐃᑲᔫᑎᒃᓴᓂᒃ ᑕᐃᒃᑯᓄᖓ ᑭᖑᕚᕆᔭᐅᔪᓄᑦ ᖁᐊᖅᓵᓇᖅᑐᑰᖅᓯᒪᔪᓄᑦ ᐊᑦᑐᖅᑕᐅᓯᒪᔪᓄᑦ ᐃᓱᒪᒃᑯᓪᓗ ᖃᓄᐃᔾᔪᑎᓕᓐᓄᑦ, ᓲᕐᓗ ᐊᔾᔨᐅᑎᓪᓗᒍ
ᒪᑭᒪᔾᔪᑎᒃᓴᓄᑦ ᒪᑭᒪᐃᓐᓇᕈᑎᒃᓴᑦ
ᑐᙵᕕᒃᑯᑦ ᐊᒻᒪᓗ ᕿᑭᖅᑕᓂᒃᑯᑦ ᐊᑐᓂᑦ ᐊᖏᕈᑎᖃᖅᓯᒪᔪᑦ $5M ᐱᓕᕆᐊᒧᑦ; IHT-ᑯᑦ ᖃᐅᔨᒋᐊᖅᓯᒪᒧᑦ KitIA−ᑯᓐᓂᒃ ᐊᒻᒪᓗ KivIA ᑮᓇᐅᔭᓖᒍᓐᓇᕐᒪᖔᑕ; ᑐᙵᕕᒃᑯᑦ ᑐᓂᓯᓚᐅᖅᑐᑦ $500,000-ᓂᒃ 2021-ᒥ ᐊᒻᒪᓗ ᐊᖏᕈᑎᖃᖅᓯᒪᔪᑦ $5.2-ᒥᓕᔭᒃᑲᓂᕐᓂᒃ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓄᑦ ᓄᓇᓖᑦ ᐱᖁᑎᕐᔪᐊᓄᑦ ᑮᓇᐅᔭᓖᒍᑎᖏᓐᓂᒃ (ICIF)
ᓴᖅᑮᓂᖅ ᓴᓇᓂᕐᒧᑦ ᐃᖅᑲᓇᐃᔮᓂᒃ ᒪᑭᑉᐸᓪᓕᐊᒍᑕᐅᓂᐊᖅᑐᓂᒃ ᒪᑭᒪᐃᓐᓇᕈᑎᒃᓴᓂᒃ ᐊᕕᑦᑐᖅᓯᒪᓂᕐᒥ
ᐃᖅᑲᓇᐃᔭᖅᑎᑖᕐᓂᖅ 15 FTE-ᓂᒃ, ᖄᖓᒍᑦ ᒫᓐᓇ IHT ᐊᒻᒪᓗ CH ᐃᖅᑲᓇᐃᔭᖅᑏᑦ, ᐊᐅᓚᑦᓯᓂᐊᖅᑐᓂᒃ ᑕᑯᔭᒐᖃᕐᕕᖕᒥᒃ ᒪᑐᐃᖓᓕᖅᐸᑦ ᑭᒃᑯᑐᐃᓐᓇᕐᓄᑦ
ᐊᔪᕈᓐᓃᖅᓴᐅᑎᒃᓴᓂᒃ ᐱᕙᓪᓕᐊᑎᑦᓯᓂᖅ ᐱᓕᖕᒪᒃᓴᐅᑎᒃᓴᓂᓪᓗ ᓄᓇᕗᒻᒥ ᐃᓄᓐᓄᑦ ᓇᓗᓇᐃᕈᑎᓂᒃ ᐱᖅᑯᓯᓕᕆᓂᕐᒧᑦ ᐃᖅᑲᓇᐃᔭᖅᑏᑦ ᐊᔪᙱᔾᔪᑎᖃᕐᓗᑎᒃ ᐃᖅᑲᓇᐃᔭᖅᑎᕈᖁᓪᓗᒋᑦ ᐸᖅᑭᑦᓯᔪᓐᓇᖅᑐᑑᓗᑎᒃ ᓄᐊᑕᐅᓯᒪᔪᓂᒃ ᑭᓯᐊᓂ ᑐᑭᓕᐅᕆᒍᓐᓇᕐᒥᓗᑎᒃ ᖃᓪᓗᓈᓂ ᐱᓇᓱᐊᖃᑎᖏᑕ ᐊᔪᖅᑕᖏᓐᓂᒃ
ᐃᖅᑲᓇᐃᔭᖅᑎᑖᕐᓂᖅ ᐃᓐᓇᕐᓂᒃ ᐊᒻᒪᓗ ᐊᓯᖏᓐᓂᒃ ᐱᖅᑯᓯᒃᑯᑦ ᖃᐅᔨᒪᓂᕐᒥᒃ ᑎᒍᒥᐊᖅᑎᓂᒃ ᐃᖅᑲᓇᐃᔭᓚᐅᐱᓪᓚᖃᑦᑕᓂᐊᖅᑐᓂᒃ ᐱᓕᕆᐊᖃᕐᓗᑎᒃ ᖃᐅᔨᒪᓂᕐᒥᒍᑦ ᖃᐅᔨᒪᔪᕐᔪᐊᖑᓂᕐᒥᒍᓪᓗ ᓴᖅᑭᔮᖅᑎᑦᓯᓂᕐᒥᒃ ᐱᓕᕆᐊᒃᓴᓂᓪᓗ
ᐃᑲᔪᖅᑕᐅᓗᑎᒃ ᓴᓇᐅᒐᖅᑏᑦ, ᒥᖅᓱᖅᑏᑦ, ᐊᖑᓇᓱᑦᑏᑦ, ᐃᖃᓪᓕᐊᑏᓪᓗ ᓄᓇᕗᓕᒫᒥ ᐱᓕᕆᐊᒃᓴᑎᒍᑦ ᐊᒻᒪᓗ ᐊᐅᓚᑦᓯᓂᕐᒥᒃ ᓄᓇᓕᓐᓂ ᐱᖁᑎᓂᒃ ᑳᐱᕐᕕᖕᒥ ᐊᒻᒪᓗ ᓂᐅᕕᕐᕕᕋᓛᒥ
ᐅᔾᔨᓇᖅᑐᒥᒃ ᐳᓚᕋᖅᑐᓕᕆᓂᒃᑯᑦ ᐱᔪᒐᕆᔭᐅᑎᑕᐅᓗᓂ ᑲᔪᖏᕈᑕᐅᓕᕐᓗᓂ ᐊᑯᓂᐅᓂᖅᓴᖅ ᐳᓚᕋᑎᑦ ᑕᒫᓃᑯᑖᒃᑲᓐᓂᕈᒪᖃᑦᑕᓕᕐᓗᑎᒃ ᐃᖃᓗᓐᓂ
ᐊᕙᑎᒧᑦ ᒪᑭᒪᐃᓐᓇᕈᑎᒃᓴᖅ
ᓴᖅᑭᔮᖅᑎᑕᐅᒍᑎᒃᓴᓂᒃ ᓱᕈᓐᓇᖅᑐᓂᒃ ᐊᓂᐊᑦᓯᖏᓐᓂᖅᓴᓂᒃ ᓴᓇᔭᐅᓂᖓᒍᑦ ᐊᐅᓚᓂᖓᒍᓪᓗ
ᐃᑲᔫᑎᖃᕐᓗᓂ ᓯᓚᐅᑉ ᐊᓯᔾᔨᐸᓪᓕᐊᓂᖓᒍᑦ ᓱᖏᐅᔾᔭᖅᑐᒥᒃ ᓴᖅᑭᔮᖅᑎᑦᓯᓂᒃᑯᑦ ᐱᓕᕆᐊᒃᓴᑎᒍᓪᓗ ᐊᑕᐅᓯᐅᓂᖏᓐᓂᒃ ᐃᓄᐃᑦ ᐊᒻᒪᓗ ᓄᓇ, ᐊᕙᑎ, ᐱᖅᑯᓯᒃᑯᑦ ᖃᐅᔨᒪᓂᐅᔪᖅ ᐊᒻᒪᓗ ᒪᑭᒪᐃᓐᓇᕐᓂᖅ ᐊᖑᓇᓱᓐᓂᒃᑯᑦ ᐃᖃᓗᒐᓱᓐᓂᑯᓪᓗ, ᐊᔾᔨᐅᑎᑕᐅᓗᑎᒃ
ᑲᓇᑕᒥ ᐅᔾᔨᕆᔭᐅᒃᑲᓐᓂᕈᑎᒃᓴᖓᓄᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᓄᓇᕗᒻᒥ
ᐃᓕᖅᑯᓯᒃᑯᑦ ᒪᑭᒪᐃᓐᓇᕈᑎᒃᓴᖅ
ᐃᑲᔫᑎ ᐃᓕᖅᑯᓯᕐᒧᑦ ᐅᑎᖅᑎᑦᓯᕙᓪᓕᐊᒍᑎᒃᓴᒧᑦ ᐊᒻᒪᓗ ᑲᓇᑕ ᒪᑭᑉᐸᓪᓕᐊᓂᖓ ᓄᓇᕗᑦ ᐃᓄᓐᓄᑦ
ᖃᐅᔨᔭᐅᒋᐊᒃᑲᓐᓂᕈᑎᒃᓴᖅ ᐃᓄᐃᑦ ᐃᓕᖅᑯᓯᖓᓂᒃ, ᐃᓕᖅᑯᓯᒃᑯᑦ ᒪᒥᓴᕐᓂᕐᒥᒃ ᐊᒻᒪᓗ ᓴᐃᒻᒪᖃᑎᒌᓐᓂᖏᓐᓂᒃ ᐃᓄᐃᑦ ᐊᒻᒪᓗ ᐃᓅᖏᑦᑐᑦ
ᐱᕕᒃᓴᖃᖅᑎᑦᓯᓂᖅ ᑲᖅᑎᑕᐅᓯᒪᔪᓂᒃ ᐅᑎᖅᑎᑕᐅᔪᓂᒃ, ᐱᕙᓪᓕᐊᑎᑦᓯᑲᓐᓂᓂᕐᒥᒃ ᓄᓇᕗᒻᒥ ᓄᐊᑕᐅᓯᒪᔪᑦ ᒫᓇ ᐊᒡᒍᖅᑕᐅᓯᒪᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᓄᑦ (PCA), ᑲᓇᑕᒥ ᑕᑯᔭᒐᖃᕐᕕᔾᔪᐊᖓ (CMN), ᐊᒻᒪᓗ ᐅᐃᓂᐱᒡ ᑎᑎᕋᐅᔭᖅᓯᒪᔪᓂᒃ ᑕᑯᔭᒐᖃᕐᕕᒃ (WAG), ᐊᒻᒪᓗ ᑐᖅᑯᖅᑕᐅᓯᒪᔪᑦ ᐃᖃᓗᓐᓂ, ᐊᒻᒪᓗ ᐊᑐᐃᓐᓇᐅᖏᑦᑐᑦ ᓄᓇᕗᒻᒥ ᐃᓄᓐᓄᑦ
ᐅᑎᖅᑎᑕᐅᒍᑎᒃᓴᓕᐅᖅᑕᐅᓗᑎᒃ ᐃᓕᖅᑯᓯᒃᑯᑦ ᓇᖕᒥᓂᖁᑕᐅᔪᑦ ᐊᒻᒪᓗ ᓯᕗᓕᒥᓃᑦ ᓴᐅᓂᒥᓂᖏᑦ ᑎᒥᐅᔪᓂᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᑲᓇᑕᓕᒫᒥ ᓄᓇᕐᔪᐊᓕᒫᒥᓗ
ᐱᕕᒃᓴᓕᐅᖅᑕᐅᓯᒪᓗᓂ ᖃᐅᔨᓴᕐᓂᖅ ᐱᖅᑯᓯᒃᑯᑦ ᓴᓇᒻᒪᐅᔪᓂᒃ ᐃᓱᕐᕆᐅᑎᓂᓪᓗ ᐊᑐᖅᑕᐅᖃᑦᑕᖅᓯᒪᔪᓂᒃ ᐱᙳᖅᑎᑦᓯᒍᑕᐅᓪᓗᑎᒃ ᐃᓕᖅᑯᓯᒃᑯᑦ ᓇᖕᒥᓂᖁᑕᐅᔪᓂᒃ ᐊᒻᒪᓗ ᐱᔪᒪᓗᖅᑯᑎᒃᓴᓂᒃ ᓴᓇᙳᐊᖅᑎᓄᑦ ᐊᒻᒪᓗ ᒥᖅᓱᖅᑎᓄᑦ ᑲᔪᓯᑎᑦᓯᓗᑎᒃ ᐃᔾᔪᐊᖅᓯᓯᒪᓗᑎᒃ ᐊᒻᒪᓗ/ᐅᕝᕙᓘᓐᓃᑦ ᓴᖅᑮᓂᕐᒥᒃ ᓴᓇᔭᐅᒋᐊᙵᖅᓯᒪᔪᓂᒃ
ᐱᕝᕕᒃᓴᓕᐅᕐᓂᖅ ᐃᖅᑲᓇᐃᔭᖃᑎᒌᓐᓂᖏᓐᓂᒃ ᓄᓇᓖᑦ, ᐊᕕᑦᑐᖅᓯᒪᓃᑦ, ᑲᓇᑕᓕᒫᒥ, ᐊᒻᒪᓗ ᓄᓇᕐᔪᐊᓕᒫᒥ ᑕᑯᔭᒐᖃᕐᕖᑦ
IHT ᑐᑭᒧᐊᒃᑎᑦᑎᔨᖓ ᐸᕐᓇᓂᕐᒧᑦ ᑳᑐᕆᓐ ᓯ. ᑰᓪ, ᐅᖃᐅᓯᖃᓚᐅᖅᑐᖅ NIHC−ᒥᒃ ᐃᓗᓕᖏᓐᓂ ᓄᓇᕐᔪᐊᒥ ᑲᑎᒪᔩᑦ ᑕᑯᔭᒐᖃᕐᕕᖕᓄᑦ (ICOM) ᐃᑭᐊᖅᑭᔾᔪᑎᖓᓂ “ᑕᑯᔭᒐᖃᕐᕖᑦ ᒪᑭᒪᔪᑦ ᓄᓇᓕᕐᔪᐊᑦ ᓄᓇᓖᓪᓗ” ᓯᑉᑎᒻᐱᕆ 2021-ᒥ. ᐸᕐᓇᐸᓪᓕᐊᓪᓗᓂ ᑐᕌᖓᔪᒥᒃ NIHC ᓯᕗᒧᐊᒍᑎᒃᓴᖓᓂᒃ − ᓲᕐᓗ ᐊᔾᔨᐅᑎᓪᓗᒍ, ᐃᓪᓗᓕᐅᖅᐸᓪᓕᐊᓂᐊᓕᖅᑐᒍᑦ ᐊᑕᐅᓯᕐᒥᒃ ᐃᓪᓗᒥᒃ, ᒪᕐᕉᖏᑦᑑᓐᓂᒃ − ᐅᓄᖅᑐᑦ ᐃᓱᒪᒃᓴᖅᓯᐅᕈᑎᒃᓴᑦ ᐊᙳᑎᓯᒪᐃᓐᓇᖅᑐᑦ. ᑳᑐᕆᓐ ᐅᖃᐅᓯᕆᓚᐅᖅᑕᖏᑦ ᐱᒋᐊᖅᓯᒪᔪᑦ ᓈᓴᐅᑖᓂᒃ 35:38.
