ᐃᓕᓐᓂᐊᕈᑎᒃᓴᑦ

ᓄᓇᕗᒻᒥ ᐃᓄᐃᑦ ᑕᑯᔭᒐᖃᕐᕕᖓ ᐋᖅᑭᑦᓱᐃᓂᐊᖅᑐᖅ ᐃᓕᓐᓂᐊᕈᑎᒃᓴᓕᐊᖑᓯᒪᔪᑎᒍᑦ ᐃᓕᓐᓂᐊᕈᑎᒃᓴᓂᒃ ᐊᑦᑐᐊᔪᓂᒃ ᐊᔾᔨᒌᙱᑦᑐᓄᑦ ᐃᓕᓐᓂᐊᕈᑎᓄᑦ. ᓯᕗᓪᓕᖅᐸᐅᓗᑎᒃ ᑎᑎᖅᑐᒐᓕᕆᓂᕐᒧᑦ.

ᓴᖅᑭᓵᓕᓂᐊᓕᖅᑐᑦ

ᐃᓕᑉᐸᓪᓕᐊᓂᖅ ᐃᓄᐃᑦ ᑎᑎᖅᑐᒐᖏᑎᒍᑦ

IHT ᐋᖅᑭᑦᓱᐃᕙᓪᓕᐊᔪᖅ 9-ᓂᒃ ᓄᑖᓂᒃ ᑎᑎᖅᑐᒐᕐᓅᖓᔪᓂᒃ ᐃᓕᓐᓂᐊᕈᑎᒃᓴᑎᒍᑦ ᐃᓕᓴᐃᒍᑎᒃᓴᓂᒃ ᐃᓕᓐᓂᐊᕐᓂᓕᓐᓄᑦ 1-9. ᑖᒃᑯᐊ ᐃᓕᓐᓂᐊᕈᑎᒃᓴᑦ ᐋᖅᑭᓱᖅᑕᐅᔪᑦ ᓇᓕᖅᑯᑦᓯᓯᒪᓪᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕈᑎᒃᓴᓕᐅᕐᓂᕐᒧᑦ ᒪᓕᒐᑦᓴᓕᐊᕆᓯᒪᔭᖏᓐᓂᒃ ᐊᒻᒪᓗ ᐃᓕᓴᕆᔭᐅᓯᒪᓗᑎᒃ ᐃᓕᓐᓂᐊᕈᑎᒃᓴᐅᓕᕐᓗᑎᒃ. ᐃᓕᓐᓂᐊᕈᑎᒃᓴᑦ ᐅᔾᔨᕈᓱᓕᖅᐸᓪᓕᐊᒍᑎᒃᓴᑦ NIHC ᐋᖅᑭᓱᖅᑕᐅᕙᓪᓕᐊᓂᖓᓂ, ᐊᒻᒪᓗ ᑐᙵᕕᓖᑦ ᓄᓇᕗᑦ ᒐᕙᒪᒃᑯᑦ ᐃᓄᐃᑦ ᑎᑎᕋᐅᔭᖅᓯᒪᔭᖏᓐᓂᒃ ᓄᐊᑕᐅᓯᒪᔪᓂᒃ ᒫᓐᓇ ᐊᐅᓚᑕᐅᔪᑦ ᐅᐃᓂᐱᒡ ᑎᑎᖅᑐᒐᕐᓂᒃ ᑕᑯᔭᒐᖃᕐᕕᖓᓂ. ᒪᕐᕉᒃ ᐅᖃᐅᓰᒃ ᐊᑐᖅᑕᐅᓪᓗᑎᒃ (ᐃᓄᒃᑎᑐᑦ ᖃᓪᓗᓈᑎᑐᓪᓗ) ᐊᒻᒪᓗ ᐃᓚᓕᐅᔾᔭᐅᓯᒪᓪᓗᑎᒃ ᐅᓄᖅᑐᑦ IQ ᑐᙵᕕᖏᑦ. ᐃᓘᓐᓈᒍᑦ, ᐃᓕᓐᓂᐊᕈᑎᒃᓴᑦ ᐅᔾᔨᓇᖅᑎᑦᓯᔪᑦ ᐅᖓᑖᓃᑦᑐᓂᒃ 130 ᓴᓇᐅᒐᖏᓐᓂᒃ ᐃᓄᐃᑦ ᑎᑎᖅᑐᒐᖏᓐᓂᒃ ᓄᓇᕗᓕᒫᒥ ᐱᓯᒪᔪᓂᒃ ᐊᒻᒪᓗ ᐅᓄᖅᑐᓂᒃ ᐊᔾᔨᒌᙱᑦᑐᓂᒃ ᑐᓴᕋᑦᓴᓕᕆᔨᓂᒃ.

ᐊᑐᐃᓐᓇᕈᕐᓂᐊᖅᑐᖅ: ᐱᒋᐊᕐᓂᖓᓂ ᓯᑉᑎᒻᐱᕆ 2023

ᐃᓗᓕᖏᑦ

ᐃᓕᓐᓂᐊᕈᑎᒃᓴᓕᐊᖑᓯᒪᔪᑦ ᐱᖓᓲᓕᖅᑲᖓᔪᑦ ᐃᓕᓐᓂᐊᕋᑦᓴᑦ ᐊᕐᕕᓂᓕᓐᓂ ᐃᓕᓐᓂᐊᕐᕕᐊᕈᓯᕐᓂᒃ, ᐋᖅᑭᓱᖅᑕᐅᓯᒪᓪᓗᑎᒃ ᐊᑐᓂᑦ ᐃᓕᓐᓂᐊᕈᑎᓕᖕᓄᑦ.

ᐃᓕᓐᓂᐊᕋᑦᓴᖅ 1: ᑐᑭᓯᑎᑦᓯᕐᖓᐅᑎ ᐱᖅᑯᓯᓕᕆᕝᕕᖕᒥᒃ, GN ᐃᓄᐃᑦ ᓴᓇᐅᒐᖏᓐᓂᒃ ᓄᐊᑕᐅᓯᒪᔪᑦ (ᑐᑭᓯᓂᐊᕈᑎᒃᑯᑦ ᐋᔩᕋᕈᑕᐅᓂᖏᑦ ᐊᔾᔨᓕᐅᒐᒃᑯᑦ ᐱᖅᑯᓯᓕᕆᕝᕕᖕᒥᒃ, ᓴᖅᑭᔮᖅᑎᑕᐅᔪᓂᒃ ᐊᒻᒪᓗ ᐃᓄᐃᑦ ᑎᑎᖅᑐᒐᖏᓐᓂᒃ)

ᐃᓕᓐᓂᐊᕋᑦᓴᖅ 2: ᓴᓇᙳᐊᕆᐅᖅᓴᓂᖅ (ᑐᑭᒧᐊᒃᑎᑕᐅᓗᓂ, ᑲᒪᒋᓗᒍ ᐃᓕᓐᓂᐊᕐᓂᓕᓐᓄᑦ ᑐᕌᖓᓗᑎᒃ)

ᐃᓕᓐᓂᐊᕋᑦᓴᖅ 3: ᓴᖅᑭᔮᖅᑎᒐᑦᓴᓕᐅᕐᓂᖅ (ᐱᓕᕆᖃᑎᒌᓪᓗᑎᒃ ᐃᓕᓐᓂᐊᖅᑐᑦ, ᐃᓚᖃᕐᓗᑎᒃ ᑎᑎᖅᑐᒐᖅᑎᓂᒃ ᐊᒻᒪᓗ ᐃᓐᓇᕐᓂᒃ ᓇᓖᕌᕐᕕᒃᓴᐅᔪᖅ)

ᐃᓕᓐᓂᐊᕋᑦᓴᑦ ᐃᓱᒪᒃᓴᖅᓯᐅᕈᑎᒃᓴᓖᑦ ᓄᓇᓖᑦ ᐃᓚᐅᒍᒪᑉᐸᑕ ᐊᒻᒪᓗ ᐃᓱᒪᖅᓲᑕᐅᔪᑦ ᐃᓚᒋᐊᖅᑕᐅᒍᒪᑉᐸᑕ ᐊᒻᒪᓗ ᐊᔾᔨᒌᙱᓐᓂᖏᓐᓂᒃ.

Imaginary Animals and Birds by Myra Kukllyaut. — **ᑕᐃᒎᓯᐊ:** ᑕᐅᑐᓐᖑᐊᕐᓂᖅ ᓂᕐᔪᑎᓂᑦ ᐊᒻᒪ ᑎᖕᒥᐊᕐᓂᑦ
**ᓴᓇᓐᖑᐊᖅᑎ:** ᒪᐃᕋ ᑯᒃᓪᔭᐅᑦ
**ᓄᓇᓕᒃ:** ᖃᒪᓂᑦᑐᐊᖅ
**ᐅᓪᓗᖅ:** 1990
**ᑐᓴᒐᒃᓴᑦ:** ᑎᑎᕋᕐᕕᒃᑯᑦ, 21/50
**ᐱᔭᐅᔪᓐᓇᕐᓂᖓᑕ ᓈᓴᐅᑖ:** 990.38.10
**ᓄᐊᑕᐅᔪᖅ:** ᒐᕙᒪᒃᑯᑦ ᓄᓇᓄᒻᒥᑦ