ᐆᑦᑐᕋᐅᑎᒃᑯᑦ ᖃᐅᔨᓴᕐᓂᖅ ᐊᖏᖅᑕᐅᓚᐅᖅᑐᖅ ᐊᔭᐅᖅᑏᑦ ᑲᑎᒪᔨᕋᓛᖏᓐᓄᑦ ᑏᓰᒻᐱᕆ 2022-ᒥ ᐊᒻᒪᓗ ᐊᑐᖅᑕᐅᓕᖅᑐᖅ ᑐᑭᒧᐊᒍᑕᐅᓪᓗᓂ ᐱᓕᕆᐊᒧᑦ.
NIHC ᑕᑯᔭᒐᖃᕐᕕᒃ ᐃᖃᓗᓐᓂ ᑕᑯᑦᓴᐅᑎᑦᓯᓂᐊᖅᑐᖅ:
ᑲᑐᔾᔨᓂᒃᑯᑦ ᐊᑯᓂᐅᔪᒧᑦ−ᐋᖅᑭᑦᓯᒪᔪᖅ ᐊᒻᒪᓗ ᓴᖅᑭᔮᖅᑎᑦᓯᓚᐅᐱᓪᓚᖃᑦᑕᕐᓂᖅ
ᐅᖃᐅᓯᓕᕆᓂᕐᒧᑦ, ᑕᑯᓐᓇᕐᕕᒃ ᑕᑯᓐᓇᖅᑕᐅᕕᓪᓗ, ᒥᖅᓱᕐᕕᒃ, ᖃᔭᓕᐅᕐᕕᒃ, ᓴᓇᕐᕈᑎᓕᐅᕐᕕᒃ, ᐊᒻᒪᓗ ᓴᓇᙳᐊᕐᕕᒃ, ᐱᓚᕝᕕᒃ/ᐋᑦᑐᕐᕕᒃ, ᐊᒻᒪᓗ ᕿᓯᓕᕆᕕᒃ
ᑕᑯᑦᓴᓂᒃ ᑐᖅᑯᐃᓯᒪᕕᒃ, ᓇᓗᓇᐃᖅᓯᒪᔪᓂᒃ ᐃᓄᓐᓄᑦ ᐅᑭᐅᖅᑕᖅᑐᒧᓪᓗ ᐅᖃᓕᒫᒐᖃᕐᕕᒃ, ᐊᑐᐃᓐᓇᐅᕕᒃ ᑐᖅᑯᖅᑕᐅᓯᒪᔪᓂᒃ ᑎᑎᕋᖅᓯᒪᔪᓂᒃ, ᓄᓇᐃᑦ ᐊᑎᖏᓐᓂᒃ ᓄᓇᙳᐊᓕᕆᕕᒃ, ᐊᐅᓚᔫᓕᐅᕆᕕᒃ ᐊᒻᒪᓗ ᖃᕆᓴᐅᔭᒨᖅᑲᐃᕕᒃ
ᐃᓐᓇᐃᑦ/ᐃᓕᓐᓂᐊᖅᑐᑦ/ᓴᓇᙳᐊᖅᑏᑦ ᑐᔪᕐᒥᕕᖓ ᐊᒻᒪᓗ ᐃᓄᒃᑎᑐᑦ ᐸᐃᕆᕕᒃ
ᑳᐱᕐᕕᒃ ᐃᓄᓕᖅᑕᓂᒃ ᓂᕿᑕᖃᕐᓗᓂ ᐊᒻᒪᓗ ᓂᕆᔭᒃᓴᓂᒃ ᐸᔪᑦᑎᕆᔩᑦ; ᓂᐅᕕᕐᕕᕋᓛᖅ ᓴᓇᐅᒐᕐᓂᒃ, ᒥᖅᓱᒐᕐᓂᒃ ᐊᒻᒪᓗ ᐱᑕᖃᕋᔪᐃᑦᑐᓂᒃ ᓂᐅᕕᐊᑦᓴᖃᕐᓗᓂ
ᓄᐊᑕᐅᓯᒪᔪᓂᒃ ᑐᖅᑯᐃᕖᑦ ᐊᒻᒪᓗ ᓴᐳᔾᔭᐅᓯᒪᒋᐊᓕᓐᓄᑦ ᖃᐅᔨᓴᕐᕕᒃ
ᑖᓐᓇ ᖃᐅᔨᓴᕐᓂᖅ ᖃᐅᔨᔾᔪᑕᐅᓇᓱᐊᖅᑐᖅ ᐃᓂᒋᔭᐅᔪᓐᓇᕋᔭᖅᑐᓂᒃ, ᑕᑯᑦᓴᐅᑎᑕᐅᓂᐊᖅᑐᓂᒃ ᐱᓕᕆᐊᒃᓴᓂᓪᓗ, ᓴᐳᔾᔨᓯᒪᓂᕐᒧᑦ ᐊᑐᐃᓐᓇᖃᕐᓂᒧᓪᓗ, ᓄᓇᖓᓂᒃ ᖃᐅᔨᓴᕐᓂᖅ, ᐊᑭᑐᔫᑎᓂᒃ ᐊᐅᓚᔾᔪᑎᓄᓪᓗ ᐊᑭᖏᑦ ᐃᓵᔪᓪᓗ, ᐊᒻᒪᓗ ᐊᑐᓕᖁᔨᔾᔪᑏᑦ ᑕᑯᔭᒐᖃᕐᕕᒃ ᓴᓇᔭᐅᖁᓪᓗᒍ ᐊᑕᐅᓯᐅᓗᓂ ᑕᒪᒃᑮᓐᓄᑦ ᑭᒃᑯᑐᐃᓐᓇᕐᓄᑦ ᐊᒻᒪᓗ ᑕᑯᔭᒐᖃᕐᕕᓕᕆᔩᑦ ᐊᐅᓚᑕᖏᓐᓄᑦ. ᖃᐅᔨᓴᕐᓂᖅ ᑐᒃᓯᕋᑕᐅᓚᐅᕐᒥᔪᖅ ᐱᕙᓪᓕᐊᑎᑦᓯᓂᕐᒥᒃ ᐱᖅᑯᓯᓕᕆᓂᕐᒧᑦ ᑲᓲᒪᔾᔪᑕᐅᖁᓪᓗᒍ ᓄᓇᕗᓕᒫᒥ ᐱᕙᓪᓕᐊᑎᑕᐅᓂᐊᖅᑐᒥᒃ ᑲᑐᔾᔨᖃᑎᒌᒍᑕᐅᓗᓂ ᓄᓇᓖᑦ ᐃᓄᖏᓐᓄᑦ.
