ᐃᑲᔪᖅᑐᐃᓂᖅ

ᐃᓚᒋᔭᐅᓪᓗᑎᒃ ᐊᓯᖏᓐᓄᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᒐᕙᒪᓄᑦ ᑲᑐᔾᔨᖃᑕᐅᔪᓄᑦ IHT−ᑯᑦ ᐊᖏᕈᑎᖃᖅᓯᒪᔪᑦ ᐅᑎᖅᑎᑦᓯᓂᕐᒥᒃ ᐱᖅᑯᓯᒃᑯᑦ ᓄᐊᑕᐅᓯᒪᔪᓂᒃ ᓄᓇᖏᓐᓄᑦ ᓄᓇᕗᒻᒧᑦ. ᐸᕐᓇᐅᓯᐊᖑᕙᓪᓕᐊᔪᖅ ᓴᖅᑮᓂᕐᒥᒃ ᐃᓂᒃᓴᓂᒃ ᐊᒻᒪᓗ ᐊᐅᓚᑦᓯᕕᒃᓴᐅᔪᓂᒃ ᐃᖃᓗᓐᓂ ᐊᒻᒪᓗ ᓄᓇᓕᓐᓂ ᓄᓇᕗᒻᒥ ᓴᖅᑭᔮᖅᑎᑕᐅᔪᓂᒃ ᐊᒻᒪᓗ ᐃᓕᖅᑯᓯᕐᒨᖓᔪᓂᒃ ᐱᓕᕆᐊᓂᒃ. ᑲᔪᓯᕙᓪᓕᐊᓂᖓ ᐱᕙᓪᓕᐊᔪᖅ. ᑐᙵᓴᐃᓂᐊᖅᑐᒍᑦ ᐅᖃᖃᑎᖃᕈᒪᔪᓂᒃ ᐱᓇᓱᐊᒐᕆᔭᕐᓂᒃ ᐃᕝᕕᑦ, ᑐᙵᕕᒋᔭᕐᓂᒃ ᐅᕝᕙᓘᓐᓃᑦ ᑲᒻᐸᓂᒥᒃ ᐱᓇᓱᐊᕈᓐᓇᖅᑕᖏᓐᓂᒃ ᓯᓐᓇᑦᑐᐊᕆᔭᐅᔪᖅ ᓴᖅᑭᓚᑦᑖᕈᑎᒃᓴᖓᓂᒃ. 

ᐊᑭᑐᔫᑎᓄᑦ ᐊᔭᐅᖅᑑᑎ ᓴᖅᑭᑕᐅᓂᐊᖅᑐᖅ ᐊᕐᕌᒍᑦᑕ ᐃᓱᓕᑉᐸᓪᓕᐊᓂᖓᓂ ᑲᔪᓯᑎᑕᐅᓱᐊᕈᑎᒻᒪᕆᐅᓗᓂ ᑐᕌᒐᖅ ᐊᑯᓐᓂᖓᓃᑦᑐᖅ $50-$75-ᒥᓕᔭᓐ. ᐃᑲᔫᑎᓕᒫᑦ ᐊᔭᐅᖅᑑᑎᒧᑦ ᐅᔾᔨᓇᖅᑐᐃᓐᓇᐃᑦ. ᓄᓇᕗᑦ ᓄᓇᖓ ᐊᖏᓂᖃᕐᒪᑦ ᑲᓇᑕᓕᒫᒥ ᑕᓪᓕᒪᐅᓕᖓᓂᖓᓂᒃ, ᐃᓄᖃᖅᑐᖅ ᒥᑦᓯᑎᓐᓃᑦᑐᓂᒃ 40,000. ᐃᑲᔪᖅᑕᐅᔭᕆᐊᖃᖅᑐᒍᑦ ᑲᓇᑕᒥᐅᓂᒃ ᑲᓇᑕᓕᒫᒥ ᐊᒻᒪᓗ ᓄᓇᕐᔪᐊᒥ ᐃᑲᔪᖅᑕᐅᔾᔪᑎᓂᒃ ᑖᓐᓇ ᓯᓐᓇᑦᑐᐊᕆᔭᐅᔪᖅ ᓴᖅᑭᓚᑦᑖᖁᓪᓗᒍ.

The late Winnie Niviuvaaryuk Owingayak and her sister Jean Simailak, singing at a community feast in Baker Lake, with Jean’s husband David, the MC in the background.
ᑖᓪᓇ ᕕᓂ ᓂᕕᐅᕚᕐᔪᑦ ᐅᕕᖓᔮᖑᓚᐅᖅᑐᖅ, ᑲᒪᔨᐅᓚᐅᖅᑐᖅ ᖃᒪᓂᑦᑐᐊᕐᒥᑦ ᑕᑯᔭᒐᖃᕐᕕᐊᓂᑦ, ᐊᒻᒪ ᓄᑲ ᔩᓐ ᓯᒪᓕᐊᖅ, ᐃᓐᖏᖅᑑᒃ ᓄᓇᓕᖕᓂᑦᖓ ᑲᑎᓐᖓᑎᓪᓗᒋᑦ ᖃᒪᓂᑦᑐᐊᕐᒥᑦ ᐱᖃᑎᖃᖅᖢᑎᒃ ᔩᓐ ᐅᐃᖓᓂᑦ ᑕᐃᕕᑦ, ᐅᖃᖅᑎᐅᓪᓗᓂ ᑐᓄᐊᓂᑦ. 2014−ᒥᑦ.

ᐃᑲᔪᑏᑦ ᓄᓇᕗᑦ ᐃᓄᐃᑦ ᑕᑯᔭᒐᖃᕐᕕᖓᓄᑦ ᑲᔪᓯᑎᑦᓯᒍᑎᒋᔪᓐᓇᓂᐊᖅᑕᕗᑦ ᐅᑯᓂᖓ:

ᓴᓇᓂᖅ ᐊᔾᔨᐅᖏᑦᑐᒥᒃ ᐃᓄᓐᓄᑦ−ᓯᕗᓕᖅᑕᐅᔪᒥᒃ ᐃᓪᓗᒥᒃ ᐃᓄᐃᑦ ᐊᑐᐃᓐᓇᖃᖁᓪᓗᒋᑦ ᐃᓕᖅᑯᓯᒃᑯᑦ ᓇᖕᒥᓂᖁᑎᒥᓂᒃ ᓄᓇᑦᑎᓐᓂ
ᓇᓗᓇᐃᒃᑯᑕᖃᖅᑎᑦᓯᓂᕐᒥᒃ A ᑕᑯᔭᒐᖃᕐᕕᐅᑉ ᐃᓗᐊᓂ ᐊᐅᓚᑦᓯᒍᑕᐅᒋᐊᓕᖕᒥᒃ ᓴᐳᔾᔨᓯᒪᒍᑎᒃᓴᒥᒃ ᓄᐊᑕᐅᓯᒪᔪᓂᒃ
ᐊᖏᓕᒋᐊᕈᑕᐅᓗᓂ ᓄᐊᑕᐅᓯᒪᔪᓂᒃ ᐅᑎᖅᑎᑦᓯᖃᑦᑕᓂᒃᑯᑦ, ᐃᑲᔫᑎᓂᒃ ᐊᒻᒪᓗ ᓂᐅᕕᐊᖑᓯᒪᔪᓂᒃ
ᐃᓕᖅᑯᓯᕐᒨᖓᔪᓂᒃ ᐃᓕᓐᓂᐊᕈᑎᒃᓴᓕᐅᕐᓂᖅ ᐃᑲᔪᑎᒃᓴᓂᒃ ᑲᔪᓯᒍᑎᒃᓴᖏᓐᓂᒃ ᐃᓄᐃᑦ ᐃᓕᖅᑯᓯᖓᓂᒃ ᐅᖃᐅᓯᖓᓂᓪᓗ
ᑐᙵᓇᕐᓗᓂ ᓴᖅᑭᔮᖅᑎᑕᐅᓂᖏᑎᒍᑦ ᐊᒻᒪᓗ ᐱᓕᕆᐊᒃᓴᑎᒍᑦ ᐳᓛᕆᐊᖅᑐᓕᒫᓂᒃ, ᐆᒻᒪᖅᑎᑕᐅᓯᒪᓂᖓᒍᑦ ᓴᐃᒻᒪᖃᑎᒌᓐᓂᖅ 
ᐊᔾᔨᒌᙱᑦᑐᓂᒃ ᐃᓵᔭᐅᔪᑦ ᓴᕐᖓᑎᑦᓯᒍᑕᐅᒃᑲᓂᕐᓗᑎᒃ ᑮᓇᐅᔭᑎᒍᑦ ᒪᑭᒪᓂᖓᓂᒃ
ᓴᖅᑮᓂᖅ ᕿᑲᖅᑎᐊᖃᕐᕕᖕᒥᒃ ᓯᕗᓂᕐᒥ ᐊᐅᓚᑦᓯᒍᑎᒃᓴᒫᒥᒃ.

IHT−ᑯᑦ ᒫᓐᓇ ᑲᒪᒋᔭᖃᖅᐸᓪᓕᐊᔪᑦ ᓇᓗᓇᐃᕆᓂᕐᒥᒃ ᐊᔪᙱᔾᔪᑎᒥᒃ ᐃᑲᔪᖅᑕᐅᔾᔪᑎᒧᑦ ᓇᓗᓇᐃᖅᑕᐅᓯᒪᓂᕐᒥᒃ ᑐᓂᓯᔪᓐᓇᖁᓪᓗᑕ ᑖᒃᓯᓄᑦ ᓇᓕᖅᑲᓂᒃ ᐃᑲᔪᖅᑕᐅᔾᔪᑎᓂᒃ. ᐅᑯᐊ ᑎᑎᕋᖅᑕᐅᓯᒪᔪᑦ ᑐᓴᕈᑎᓄᑦ ᖃᓄᖅ ᐃᑲᔫᑎᖃᕈᓐᓇᕐᒪᖔᖅᐱᑦ. 

ᖁᕕᐊᓇᖅᑐᓂᒃ ᐱᔾᔪᑎᒃᓴᖃᕐᓂᖅ ᕿᓚᙳᐊᖅᑐᓂᒃ. ᐃᓚᒋᔭᐅᔪᓐᓇᖅᑐᑎᑦ ᑖ$ᑯᓄᖓ! ᖃᐅᔨᒃᑲᓐᓂᕈᒪᒍᕕᑦ ᐱᔾᔪᑎᒃᓴᐅᔪᓐᓇᖅᑐᓂᒃ, ᖃᐅᔨᒋᐊᕐᕕᒋᔪᓐᓇᑕᑦᑎᒍᑦ ᐅᕗᖓ campaign@ihti.ca.