ᓄᐊᑕᐅᓯᒪᔪᑦ

NIHC ᐅᑎᕐᕕᐅᓂᐊᖅᑐᑦ ᓄᐊᑕᐅᓯᒪᔪᓂᒃ ᓇᖕᒥᓂᖁᑎᖏᓐᓂᒃ ᓄᓇᕗᑦ ᒐᕙᒪᒃᑯᑦ (GN), ᓇᖕᒥᓂᖁᑎᒋᔭᐅᔪᓂᒃ ᑲᑐᔾᔨᓂᒃᑯᑦ GN ᐊᒻᒪᓗ IHT, ᐊᒻᒪᓗ IHT ᐊᒻᒪᓗ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᒃ, ᐃᖃᓗᓐᓂ. ᓄᐊᑕᐅᓯᒪᔪᑦ ᖃᓂᒋᔮᓃᑦᑐᑦ 140,000 ᐱᖁᑎᑐᖃᑦ ᓅᑕᐅᓚᐅᖅᑐᑦ 2016/2017 ᔭᓗᓇᐃᕝᒥ ᑕᑯᔭᒐᖃᕐᕕᒻᒥᒃ, Prince of Wales Northern Heritage Centre (PWNHC) ᑲᓇᑕᒥ ᑕᑯᔭᒐᖃᕐᕕᔾᔪᐊᒧᑦ (CMN, ᑐᖔᓂ-2012 ᓴᒡᒐᖅᑐᑎᒃ ᐃᑦᑕᕐᓂᓴᓂᒃ, ᐅᕙᑦᓯᐊᕈᕐᓂᓴᓂᒃ ᐱᖁᑎᑐᖃᕐᓂᒃ, ᐊᒻᒪᓗ ᓄᓇᒦᙶᖅᑐᓂᒃ ᓄᐊᑕᐅᓯᒪᔪᓂᒃ ᑕᐃᑲᙵᓂᐊᓗᒃ) ᐊᒻᒪᓗ ᖃᓂᒋᔮᓃᑦᑐᑦ 7,400 ᓴᓇᔭᐅᓯᒪᔪᓂᒃ ᐸᐃᑉᐹᒥ, ᖃᓪᓗᓈᖅᑕᑦ ᓴᓇᓯᒪᔪᑦ, ᐊᒥᐊᒐᐃᑦ, ᐊᒻᒪᓗ ᓴᓇᙳᐊᒐᑦ ᓅᑕᐅᓚᐅᖅᑐᑦ ᐅᐃᓂᐱᒡᒥ ᑕᑯᔭᒐᖃᕐᕕᖓᓄᑦ ᑎᑎᖅᑐᒐᕐᓂᒃ (WAG), ᐊᒥᓱᑦ ᑖᒃᑯᓇᙵᑦ ᑕᑯᑦᓴᐅᑎᑕᐅᓕᖅᑐᑦ ᖃᐅᒪᔪᖅ ᐃᓄᐃᑦ ᑎᑎᖅᑐᒐᖏᓐᓂᒃ ᑕᑯᑦᓴᐅᑎᑦᓯᕕᖕᒥ. ᕗᕌᖕᓕᓐ ᓄᐊᑕᐅᓯᒪᔪᑦ, ᐱᖁᑎᑐᖃᕐᓂᒃ ᑎᒍᔭᐅᓚᐅᖅᑐᓂᒃ ᐅᒦᔭᕐᓂᑯᒥᓃᓐᓂᒃ HMS ᐄᕆᐱᔅ ᐊᒻᒪᓗ HMS ᑎᐊᕋ, ᒫᓐᓇ ᑐᖅᑯᖅᑕᐅᓯᒪᔪᑦ ᐋᑐᕚᒥ, ᐃᓚᖏᑦ ᑕᑯᑦᓴᐅᑎᑕᐅᓂᐊᖅᑐᑦ ᓇᑦᑎᓕᒃ ᐱᖅᑯᓯᓕᕆᕝᕕᖓᓂ ᐅᖅᓱᖅᑑᒥ. GN ᐱᖁᑎᑐᖃᖁᑎᖏᑦ ᑐᖅᑯᖅᑕᐅᓯᒪᕕᖓᓃᑦᑐᑦ ᐃᖃᓗᓐᓂ.

ᐸᕐᓇᑕᐅᓂᖓ NIHC ᐃᓚᒋᔭᐅᓪᓗᑎᒃ ᒥᑦᓴᐅᓴᒍᑎᑦ ᓄᐊᑕᐅᓯᒪᔪᑦ ᐱᕈᖅᐸᓪᓕᖅᓯᒪᓂᐊᕐᓂᖏᑦ ᓯᕗᓂᑦᑎᓐᓂ. IHT ᖃᐅᔨᓵᓂᓚᐅᖅᑕᖏᑦ ᓄᐊᑕᐅᓯᒪᔪᑦ ᐊᖏᓂᖏᑦ ᐊᒻᒪᓗ ᔭᒐᔾᔭᐃᖅᑕᐅᓯᒪᒋᐊᖃᕐᓂᖏᑦ ᑐᖅᑯᖅᑕᐅᓯᒪᔪᑦ ᐊᒻᒪᓗ ᔭᒐᔾᔭᐃᖅᑕᐅᓯᒪᕖᑦ ᑲᔪᓯᖁᓪᓗᒍ ᑕᒪᒃᑮᓐᓄᑦ ᒫᓇ ᐱᔭᕆᐊᓖᑦ ᐊᒻᒪᓗ ᐊᖏᓕᕙᓪᓕᐊᓂᐊᕋᓱᒋᔭᐅᔪᑦ 25-ᓂᒃ ᐊᕐᕌᒎᓂᐊᖅᑐᓂᒃ. ᒫᓐᓇ ᓄᐊᑕᐅᓯᒪᔪᑦ ᐱᕈᖅᐸᓪᓕᐊᓂᐊᕋᓱᒋᔭᐅᔪᑦ ᐃᑲᔫᑎᓂᒃ ᑐᓂᔭᐅᔪᓂᒃ, ᓂᐅᕕᐊᖑᔪᓂᒃ, ᐊᒻᒪᓗ ᐅᑎᖅᑎᑕᐅᔪᓂᒃ. ᐱᐅᖅᓱᐊᕐᓂᖅ ᐊᑐᖁᔭᐅᕗᖅ ᑖᒃᑯᓄᖓ ᓄᓇᕗᑦ ᐃᓄᐃᑦ ᑕᑯᔭᒐᖃᕐᕕᐊᓄᑦ ᑲᑎᖅᓱᐃᔩᑦ.

ᕿᒥᕐᕈᓗᒍ ᖃᐅᔨᓴᕐᓃᑦ
NIHC Steering Committee members examining artifacts from the Franklin ships in Ottawa, December 2022
ᓄᓇᕗᒻᒥᑦ ᐃᓄᐃᑦ ᑕᑯᔭᒐᖃᕐᕕᐊ ᓴᖑᑎᑦᑎᔩᑦ ᑲᑎᒪᔩᑦ ᐃᓚᒋᔭᐅᔪᑦ ᕿᒥᕐᕈᔪᑦ ᐃᑦᑕᕐᓂᓴᕐᓂᑦ ᑕᐃᑲᓐᖓᑦ ᕗᓛᖕᒃᓕᓐ ᐅᒥᐊᕐᔪᐊᕕᓂᐊᓂᑦ ᑕᐃᑲᓂ ᐋᑐᕚᒥᑦ, ᑎᓯᐱᕆ 2022
Cultural belongings from the Nunavut Collection that will be returned to Nunavut when the facility is built.
Cultural belongings from the Nunavut Collection that will be returned to Nunavut when the facility is built.
ᐱᖁᑎᕕᓂᑐᖃᖏᑦ ᑕᐃᑲᓂ ᓄᓇᕗᑦ ᐊᒡᕗᖅᑎᖏᓐᓂᑦ ᐅᑎᖅᑎᑕᐅᓂᐊᖅᑐᑦ ᑕᕝᕗᖓ ᓄᓇᕗᒻᒧᑦ ᐱᐊᓂᒃᑕᐅᒃᐸᑦ ᐃᓂᒃᓴᐅᔪᖅ.

ᐱᑕᖃᙱᓐᓂᖓᓄᑦ ᑕᑯᔭᒐᖃᕐᕕᖕᒥᒃ ᐃᓂᒃᓴᐅᓇᔭᖅᑐᒥᒃ, ᒫᓐᓇ ᓄᐊᑕᐅᓯᒪᔪᑦ ᓄᒃᑕᖃᑦᑕᖅᑐᑦ, ᐊᒻᒪᓗ ᐱᑕᖃᙱᓐᓂᖓᓄᑦ ᖃᕆᓴᐅᔭᒨᖅᑲᖅᑕᐅᓯᒪᔪᓂᒃ ᓇᓗᓇᐃᖅᑕᐅᓯᒪᔪᓂᒃ ᐃᓚᖏᑦ ᓄᐊᑕᐅᓯᒪᔪᑦ ᔭᒐᑐᐃᓐᓇᕆᐊᓖᑦ ᐊᒻᒪᓗ ᓱᕋᑐᐃᓐᓇᕆᐊᓖᑦ. NIHC ᓴᓇᓯᒪᓂᐊᖅᑐᖅ ᐊᒻᒪᓗ ᓴᓇᔭᐅᓯᒪᓗᓂ ᔭᒐᔾᔭᐃᖅᓯᒪᕕᒃᓴᐅᓗᓂ ᑖᒃᑯᓄᖓ ᓄᐊᑕᐅᓯᒪᔪᓄᑦ ᐊᒻᒪᓗ ᐊᑐᐃᓐᓇᐅᓕᕐᓗᑎᒃ ᓄᓇᕗᒻᒥ ᐃᓄᓐᓄᑦ. ᓴᓇᒻᒪᖓ NIHC ᐃᓪᓗ ᐱᕕᓕᒫᖓᒍᑦ ᐊᐅᓚᔪᓐᓇᐅᑎᓕᖅᑕᐅᓯᒪᓂᐊᖅᑐᖅ ᔭᒐᔾᔭᐃᖅᓯᕕᑦᓴᐅᓗᓂ, ᓯᕗᓪᓕᐅᑎᔭᕆᐊᓕᓐᓂᒃ ᐊᑦᓯᓂᖅᓴᒦᑦᑐᓂᒃ ᐋᖅᑭᐅᒪᒍᑎᒃᓴᓂᒃ ᔭᒐᔾᔭᐃᖅᓯᒪᔭᐅᓗᑎᒃ ᐊᒻᒪᓗ ᑲᔪᓯᑎᑦᓯᓂᕐᒥᒃ ᒪᓕᒐᑦᓴᓕᐊᖑᓯᒪᔪᓂᒃ ᓴᖅᑭᖅᑕᐅᓯᒪᔪᓂᒃ ᑲᓇᑕᒥ ᐱᖅᑯᓯᓕᕆᔨᒃᑯᓐᓂᒃ, ᐊᒻᒪᓗ ᒥᐊᓕᒃᑲᓂ ᓴᓇᒻᒪᓕᕆᔨᒃᑯᓐᓂᒃ American Society of Heating, Refrigerating and Air-Conditioning Engineers (ASHRAE) ᐊᑐᖅᑕᐅᖃᑦᑕᓲᓂᒃ ᑕᑯᔭᒐᖃᕐᕕᖕᓄᑦ, ᑎᑎᖅᑐᒐᖃᕐᕕᖕᓄᑦ, ᑐᖅᑯᖅᑕᐅᓯᒪᕕᖕᓄᑦ ᐊᒻᒪᓗ ᐅᖃᓕᒫᒐᖃᕐᕕᖕᓄᑦ ᐋᖅᑭᐅᒪᔾᔪᑕᐅᓪᓗᓂ ᓈᖕᒪᒋᐊᖃᕐᓂᖏᓐᓄᑦ ᐃᓗᖏᑦ ᐃᓪᓗᐃᑦ ᐊᒻᒪᓗ ᐊᐃᓪᓕᕐᓂᕆᒋᐊᓕᖏᓐᓄᑦ ᓈᖕᒪᓪᓗᑎᒃ, ᓱᕋᑉᐸᓪᓕᐊᙱᔾᔪᑎᒃᓴᖏᓐᓄᑦ ᐋᖅᑭᑦᓯᒪᔪᒥᒃ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᒃ, ᐊᒻᒪᓗ ᐋᖅᑭᑦᓯᒪᔭᐅᓗᓂ ᓇᓗᓇᐃᒃᑯᑕᖃᕐᓗᓂ A ᐃᓪᓗ.